الجنه والنار الشعراوي رحمه الله

سبحان الله علي الأضواء والشهرة وتأثيرهم علي الإنسان.. لقد جعلوا كل فنان وفنانة لا يستغنوا عنهم أبدا حتي ولو كان هذا علي حساب الدين.. فقبل الاعتزال الفن حلال وعند الاعتزال «الفن حرام» وبعد الاعتزال من ده علي ده، وإحنا عايزين نرجع الفن عشان نعمل ده ومانعملش ده. كأن الحلال والحرام بقي لعبة.. وكأن الفتوي بقت من حق الجميع أي حد يفتي.. وأى حد يقول مواعظ.. حتي إن لم تكن له علاقة تذكر بجامعة الأزهر حتي وإن كان لا يصلي أساسا ولا بيركعها المهم هو عايز ايه ونفسه يعمل ايه، أما إن كان علي الفتوي فهي جاهزة في جيبه ولا ينقصهم سوي ضجة إعلامية قبل الاعتزال.. ودمعتين عند الاعتزال وكام فتوي بعد الرجوع من الاعتزال وكل حاجة تبقي تمام أما لقدر الله لو حصل أي خطاء في الموضوع فمعمول حساب أي حاجة من دي وغير الفتوي نفاجأ بالكوب علي الله وعلي أمواتنا وأموات المسلمين ما دام فتاواهم مش نافعة يصرحوا إن دي مش فتاويهم ده الشيخ الفلاني كده.. أو العالم العلاني قال ذلك وتخيلوا أن نصف من عادوا إلي الفن كان مين سبب رجوعهم؟ تخيلوا مين؟ الشيخ الشعراوي تصدقوا دي. لأ وكمان هو من كان يذهب إليهم ويقولهم «انتوا اعتزلتوا ليه.. الفن محتاجلكو.. انتم فنانين كويسين» وكان ناقص كمان يقوللهم إنه بيدخل يتفرج علي أعمالهم وهو قاطع تذكرة بنوار! وبعدما يتحايل شوية يبندوا يقتنعوا ويرجعوا والرد جاهز «الفن مش حرام وأسألوا الشيخ الشعراوي» نقولهم ده مات.. يقولوا يعني هو احنا اللي موتناه وقدمناش غير إننا نكدبهم ونشرب من البحر أو نصدقهم ونخبط دماغنا في الحيط. فأنا بصراحة علشان شربت م البحر، وخبط دماغاي في الحيط لحد ما نزفت كل الدم اللي عندي وبقيت أنا كمان ماعنديش دم ولا إحساس لقيت حل كويس قوي يريحنا ويريحهم. اللي عايز يعتزل مالوش دعوه بالدين ويقول بصراحة كده يا جماعة أنا عملتهم علي قلبي ويكفي علي الخبر ماجور ويقعد يستريح في بيته ويصرف القرشين. ولو عايز يرجع تاني يبقي مالوش علاقة بالشعراوي ولا بالدين ويقولها بصراحة يا جماعة أنا فلوس خلصت وعلشان كده عايز أرجع أمثل أو أغني تاني ويرجع وخلاص هي يعني جت عليه. كا الفنانين بقوا أكتر م الجمهور والحمد لله بقي فيه فنان لكل مواطن سواء في التمثيل أو الغناء أو العري أو الكلام الفاضي. والحياة بقت سداح مداح.. لكن بدون ما يتذاكوا علينا أو يستغبونا.. لأننا عارفين الشعراوي زي ما إحنا عارفين الفن وما يحدث في كواليسه وفوق كل دا كلنا عارفين ربنا والحلال بين والحرام بين مش محتاجة فتاوي من حد.

جزاك الله خير الجزاء

الله يـع’ـــطــيك الع’ــاأإأفــيه ..

.. بنتظـأإأإأر ج’ـــديــــدك الممـــيز ..

» معنى لا إله إلا الله
» نعمة رسول الله صلى الله عليه وسلم
» محمد الشعراوي
» الشعراوي موسوعه
» سجل دخولك بذكر الله عز وجل